دورك

شوف دورك قبل لا تجي

زبونك يعرف إذا أنت موجود، بدون ما يتصل.

تلزك كود على المراية. الزبون يمسحه من تلفونه، يشوف إذا الصالون مفتوح وكم واحد ينتظر، ويطلب دور أو موعد. أنت توافق بضغطة.

صالون تجريبي، شغّال هسه

يشوف «موجود» أو «استراحة، يرجع ٤:٣٠» أو «مغلق، يفتح باچر». كم واحد قدامه، وحوالي شكد ينتظر. يكول «جاي هسه» أو يحجز ساعة.

«وصلت» لما تفتح، «+ دخل زبون» لما أحد يدخل، «التالي» لما تخلص. الطلبات توصلك تنبيه، وأنت تقبل أو ترفض. اللي يدخل بدون حجز ما ينرد.

شكد طلعت أنت وكل حلاق عندك. إيجار الكرسي، أو النسبة، أو بس المجموع، حسب نظام محلك.

تختار لون الصبغ ونوع الخط، وتنطبع لك ورقة الكود بنفس لافتتك. وصفحتك تنحط على شاشة الزبون بأيقونة محلك.

تجربة مجانية. أسعار الاشتراك تتفق عليها مع دورك.